Missale Romanum - S. Ioannis a Cruce, presbyteri et Ecclesiae doctoris

Proprium de Sanctis

December

Die 14 decembris

S. Ioannis a Cruce, presbyteri

et Ecclesiae doctoris

Memoria

Ant. ad introitum Ga 6,14

Mihi autem absit gloriári, nisi in cruce Dómini nostri Iesu Christi, per quem mihi mundus crucifíxus est, et ego mundo.

Collecta

Deus, qui beátum Ioánnem presbyterum

perféctae sui abnegatiónis

et crucis amatórem exímium effecísti,

concéde ut, eius imitatióni iúgiter inhaeréntes,

ad contemplatiónem glóriae tuae perveniámus aetérnam.

Per Dóminum.

Super oblata

Réspice quas offérimus hóstias, omnípotens Deus,

in commemoratióne beáti Ioánnis,

et praesta, ut, qui domínicae passiónis mystéria celebrámus,

imitémur quod ágimus.

Per Christum.

Ant. ad communionem Cf. Mt 16,24

Qui vult veníre post me, ábneget semetípsum, et tollat crucem suam, et sequátur me, dicit Dóminus.

Post communionem

Deus, qui crucis mystérium

in beáto Ioánne mirabíliter illustrásti,

concéde propítius, ut, ex hoc sacrifício roboráti,

Christo fidéles haereámus,

et in Ecclésia ad salútem ómnium operémur.

Per Christum.