Missale Romanum - S. Caroli Borromeo, episcopi

Proprium de Sanctis
November

Die 4 novembris
S. Caroli Borromeo, episcopi
Memoria

De Communi pastorum: pro episcopo.

Collecta
Custódi, quaesumus, Dómine, in pópulo tuo spíritum,
quo beátum Cárolum epíscopum implevísti,
ut Ecclésia indesinénter renovétur,
et, Christi se imágini confórmans,
ipsíus vultum mundo váleat osténdere.
Qui tecum.

Super oblata
Inténde múnera, Dómine,
altáribus tuis pro beáti Cároli
commemoratióne propósita,
et huius sacrifícii virtúte concéde,
ut, sicut illum pastorális offícii vigilántia
et praecláris virtútum méritis sublimásti,
ita nos fácias sincéris óperum frúctibus abundáre.
Per Christum.

Post communionem
Praestent nobis, quaesumus, Dómine,
sacra mystéria quae súmpsimus
eam ánimi fortitúdinem,
quae beátum Cárolum réddidit
in ministério fidélem et in caritáte fervéntem.
Per Christum.

No hay comentarios:

Publicar un comentario