Proprium de Sanctis
September
Die 26 septembris
Ss. Cosmæ et Damiani, martyrum
De Communi martyrum: pro pluribus martyribus.
Collecta
Magníficet te, Dómine,
sanctórum tuórum Cosmae et Damiáni
veneránda memória,
quia et illis glóriam sempitérnam,
et opem nobis ineffábili providéntia contulísti.
Per Dóminum.
Super oblata
In tuórum, Dómine, pretiósa morte iustórum,
sacrifícium illud offérimus,
de quo martyrium sumpsit omne princípium.
Per Christum.
Post communionem
Consérva in nobis, Dómine, munus tuum,
et quod, te donánte, pro commemoratióne
beatórum mártyrum Cosmae et Damiáni
percépimus, salútem nobis praestet et pacem.
Per Christum.
No hay comentarios:
Publicar un comentario