Missale Romanum - S. Alfonsi Mariæ de' Liguori, episcopi et Ecclesiae doctoris

Proprium de Sanctis
Augustus

Die 1 augusti
S. Alfonsi Mariæ de' Liguori, episcopi
et Ecclesiae doctoris
Memoria

De Communi pastorum: pro episcopo, vel de Communi doctorum Ecclesiae.

Collecta
Deus, qui in Ecclésia tua nova
semper instáuras exémpla virtútum,
da nobis in zelo animárum
beáti Alfónsi Maríae epíscopi ita vestígiis adhaerére,
ut eius in caelis assequámur et praemia.
Per Dóminum.

Super oblata
Caelésti, Dómine, Spíritus igne corda nostra cleménter exúre,
qui beáto Alfónso Maríae tribuísti et haec mystéria celebráre,
et per éadem hóstiam tibi sanctam seípsum exhibére.
Per Christum.

Post communionem
Deus, qui beátum Alfónsum Maríam
fidélem dispensatórem et praecónem tanti mystérii providísti,
concéde, ut fidéles tui illud frequénter percípiant,
et, percipiéndo, te sine fine colláudent.
Per Christum.

No hay comentarios:

Publicar un comentario