Missale Romanum - Ss. Marthæ, Mariæ et Lazari

Proprium de Sanctis

Die 29 iulii
Ss. Marthæ, Mariæ et Lazari
Memoria

Ant. ad introitum          Cf. Lc 10, 38-39
Intrávit Iesus in quoddam castéllum,
et múlier quædam Martha nómine excépitillum in domum suam.

Collecta
Deus, cuius Fílius
de sepúlcro ad vitam Lázarum revocávit,
et in domo Marthæ dignátus est hospitári,
da nobis, qáesumus,
ut ipsi in frátribus nostris fidéliter ministrántes,
cum María verbi eius meditatióne pascim ereámur.
Qui tecum.

Super oblata
In beátis tuis te, Dómine, mirábilem prædicántes,
maiestátem tuam supplíciter exorámus
ut, sicut eórum tibi gratum éxstitit caritátis obséquium,
sic nostræ servitútis accépta reddántur offícia.
Per Christum.

Ant. ad communionem           Cf. Io 11, 27
Dixit Martha ad Iesum:
Tu es Christus, Fílius Dei vivi,
qui in hunc mundum venísti.

Post communionem
Córporis et Sánguinis Unigéniti tui sacra percéptio, Dómine,
ab ómnibus nos cadúcis rebus avértat,
ut exémplo beatórum Marthæ, Maríæ et Lázari,
valeámus et sincéra in terris caritáte profícere,
et tui perpétua in cælis visióne gaudére.
Per Christum.