Missale Romanum - S. Pauli a Cruce, presbyteri

Proprium de Sanctis
October

Die 19 octobris
S. Pauli a Cruce, presbyteri

Ant. ad introitum Cf. 1Co 2,2
Non iudicávi me scire áliquid inter vos, nisi Iesum Christum, et hunc crucifíxum.

Collecta
Impetret nobis, Dómine,
grátiam tuam beátus présbyter Paulus,
qui único crucem amóre diléxit,
ut, eius exémplo vivídius incitáti,
crucem nostram fórtiter amplectámur.
Per Dóminum.

Super oblata
Réspice quas offérimus hóstias, omnípotens Deus,
in commemoratióne beáti Pauli, et praesta,
ut, qui domínicae passiónis mystéria celebrámus,
imitémur quod ágimus.
Per Christum.

Ant. ad communionem 1Co 1,23 1Co 24
Nos praedicámus Christum crucifíxum, Christum, Dei virtútem et Dei sapiéntiam.

Post communionem
Deus, qui crucis mystérium
in beáto Paulo mirabíliter illustrásti,
concéde propítius, ut, ex hoc sacrifício roboráti,
Christo fidéles haereámus,
et in Ecclésia ad salútem ómnium operémur.
Per Christum.

No hay comentarios:

Publicar un comentario