Missale Romanum - S. Cæciliæ, virginis et martyris

Proprium de Sanctis
November

Die 22 novembris

S. Cæciliæ, virginis et martyris

Memoria

De Communi martyrum: pro virgine martyre, vel de Communi virginum: pro una virgine.

Collecta
Deus, qui nos ánnua beátae Caecíliae celebritáte laetíficas,
praesta, quaesumus,
ut ea, quae de ancílla tua devóte trádita sunt,
exémpla nobis praebeant imitánda
et Christi Fílii tui in servis eius praedicent mirabília.
Qui tecum.