Feria sexta
Ant. ad introitum Ap 5, 9-10
Redemísti nos, Dómine, in sánguine tuo,
ex omni tribu, et lingua, et pópulo, et natióne,
et fecísti nos Deo nostro regnum et sacerdótes, allelúia.
Collecta
Deus, spes et lumen sincerorum,
da córdibus nostris, te súpplices deprecámur,
et dignam tibi oratiónem persólvere,
et te semper præconiórum múnere collaudáre.
Per Dóminum.
Super oblata
Oblatiónes famíliæ tuæ,
quǽsumus, Dómine, súscipe miserátus,
ut, sub tuæ protectiónis auxílio,
et collata non perdat, et ad æterna dona perveniat.
Per Christum.
Præfatio paschalis.
Ant. ad communionem Rom 4, 25
Tráditus est Christus Dóminus noster
propter delícta nostra,
et resurréxit propter iustificatiónem nostram, allelúia.
Post communionem
Contínua, quǽsumus, Dómine,
quos salvásti pietáte custódi,
ut, qui Fílii tui passióne sunt redémpti,
eius resurrectióne læténtur.
Qui vivit et regnat in sǽcula sæculórum.
No hay comentarios:
Publicar un comentario