Canonizationis Ritus

CANONIZATIONIS RITUS

Cum fit processio introitus Litaniae Sactorum cantantur.

PRIMA PETITIO

Cardinalis N. Praefactus Congregationis de Causis Sanctorum, comitantibus Postulatoribus, ad Summum Pontificem accedit et rogat ut Beatorum N. N. Canonizatio agatur:

Beatissime Pater,

instanter postulat Sancta Mater Ecclesia per Sanctitatem Vestram,

Catalogo Sanctorum adscribi,

et tamquam Sanctos ab omnibus christifidelibus pronunciari Beatos N. N.

Summus Pontifex:

Fratres carissimi,

Deo Patri omnipotenti preces nostras per Iesum Christum levemus,

utm Beatae Mariae Virginis et omnium Sanctorum suorum intercessione,

sua gratia sustineat id quod sollemniter acturi sumus.

Silentii intervallum,

Summus Pontifex:

Preces populi tui, quaesums, Domine,

bemignus admitte,

ut quod famulatu nostro gerimus et tibi placeat

et Eclesiae tuae proficiat incrementis.

Per Christum Dominim nostrum.

R/. Amen.

SECUNDA PETITIO

Cardinalis Praefectus:

Unanima precatione roborata, Beatissime Pater,

Sancta Ecclesia instantius flagitat

ut Sanctitas Vestra filios hos ipsius electos in Sanctorum Catalogo annumeret.

Summus Pontifex:

Spiritum vivificantem, igitur, invocemus,

ut mentes nostram illuminet atque Christus Dominus

ne permittat errare Ecclesiam suam in tanto negotio.

Veni Creator Spiritus cantatur.

TERTIA PETITO

Cardinalis Praefectus:

Beatissime Pater,

Sancta Ecclesia, Domini promisso nixa Spiritum Veritatis in se mittendi,

qui omni tempore supremum Magisterium erroris expertem reddit,

instantissime supplicat Sanctitatem Vestram

ut hos ipsius electos in Sanctorum Catalogum referat.

CANONIZATIONIS FORMULA

Summus Pontifex:

Ad honorem Sanctæ et Individuæ Trinitatis,

ad exaltationem fidei catholicæ

et vitæ christianæ incrementum,

auctoritate Domini nostri Iesu Christi,

beatorum Apostolorum Petri et Pauli ac Nostra,

matura deliberatione præhabita et divina ope sæpius implorata,

ac de plurimorum Fratrum Nostrorum consilio,

Beatos N. et N.

Sanctos esse decernimus et definimus,

ac Sanctorum Catalogo adscribimus,

statuentes eos in universa Ecclesia

inter Sanctos pia devotione recoli debere.

In nomine Patris et Filii et Spiritus Sancti.

R/. Amen.

Prope altare novorum Sanctorum reliquiae una cum cereis collocantur. Diaconum reliquias incensat.

Te Deum cantatur.

Cardinalis Praefectus Congregationis de Causis Sanctorum una cum Postulatoribus Summo Pontifice gratias agit:

Beatissime Pater,

nomine Sanctae Ecclesiae enixas gratias ago

de pronuntiatione a Sanctitate Vestra facta

ac humiliter peto ut eadem Sanctitas Vestra

super peracta Canonizatione Litteras Apostolicas dignetur decernere.

Summus Pontifex:

Decernimus.

Cardinalis Praefectus Congregationis de Causis Sanctorum ad Summum Pontificem accedit grato animo salutandi causa.

Sequitur ritus introitus ad Sanctam Missam.