Missale Romanum - Hebdomada I Quadragesimae: Sabbato

Tempus Quadragesimae

Sabbato

Ant. ad introitum          Cf. Ps 18, 8
Lex Dómini irreprehensíbilis, convértens ánimas;
testimónium Dómini fidéle, sapiéntiam præstans párvulis.

Collecta
Ad te corda nostra, Pater ætérne, convérte,
ut nos, unum necessárium semper quæréntes
et ópera caritátis exercéntes,
tuo cúltui præstes esse dicátos.
Per Dóminum.

Super oblata
Hæc quæ nos réparent, quǽsumus, Dómine, beáta mystéria
suo nos múnere dignos effíciant.
Per Christum.

Præfatio de Quadragesima.

Ant. ad communionem           Mt 5, 48
Estóte perfécti,
sicut et Pater vester cæléstis perféctus est, dicit Dóminus.
Post communionem
Perpétuo, Dómine, favóre proséquere,
quos réficis divíno mystério,
et, quos imbuísti cæléstibus institútis,
salutáribus comitáre soláciis.
Per Christum.

Oratio super populum
ad libitum adhibenda
Fidéles tuos, Deus, benedíctio desideráta confírmet,
quæ eos et a tua voluntáte numquam fáciat discrepáre,
et tuis semper indúlgeat benefíciis gratulári.
Per Christum.