Missale Romanum - Feria III Hebdomadæ Sanctæ

Tempus Quadragesimae

Hebdomada Sancta

FERIA III HEBDOMADÆ SANCTÆ

Ant. ad introitum          Cf. Ps 26, 12
Ne tradíderis me, Dómine,
in ánimas persequéntium me:
quóniam insurrexérunt in me testes iníqui,
et mentíta est iníquitas sibi.

Collecta
Omnípotens sempitérne Deus,
da nobis ita domínicæ passiónis sacraménta perágere,
ut indulgéntiam percípere mereámur.
Per Dóminum.

Super oblata
Hóstias famíliæ tuæ, quǽ sumus, Dómine,
placátus inténde,
et, quam sacris munéribus facis esse partícipem,
tríbuas ad eórum plenitúdinem perveníre.
Per Christum.

Præfatio II de Passione Domini.

Ant. ad communionem          Rom 8, 32
Próprio Fílio suo non pepércit Deus,
sed pro nobis ómnibus trádidit illum.

Post communionem
Satiáti múnere salutári,
tuam, Dómine, misericórdiam deprecámur,
ut hoc eódem sacraménto,
quo nos voluísti temporáliter vegetári,
perpétuæ vitæ fácias esse partícipes.
Per Christum.

Oratio super populum
ad libitum adhibenda
Tua misericórdia, Deus, pópulum tibi súbditum
et ab omni subreptióne vetustátis expúrget,
et capácem sanctæ novitátis effíciat.
Per Christum.